HStAOrient5a: 53r

Ve suʾāl‑i İbrāhīm ʿaleyhi s‑selām ve qavl‑i ʿUzeyr ʿaleyhimā s‑selām ve meks̱‑i // Aṣḥāb‑i Kehf cümlesi delāʾildür ki neşʾet‑i s̱ānīye mümkin ola. // Qāla llāhu taʿālā: A yaḥsabu l‑insānu an lan naǧmaʿa ʿiẓāmahū // Balā qadirīna ʿalā an nusawwiya banānahū. Bu mertebeye īmān vācibdür // qadīmu d‑dehrden maʿreke‑ārā ve maḥall‑i iḫtilāfāt‑i ʿuqalā oldu‑ // ġı‑çün. Gürūh‑i enbiyā ṣalavātu llāhi ʿaleyhim berāhīn‑i qāṭıʿa // ve ems̱ile‑i maḥsūsa ile is̱bāt ėde‑gelmişdür. Neşʾe‑i ūlādan // aʿceb degüldür. Nihāyet neşʾe‑i ūlāya müşāhid ve muʿtād olmaġın // teʿaccüb sāqıṭdur. Şeyḫ Ekmelüddīn raḥimehu llāh // Maqṣad adlu kitābda buyurur ki: Ẓāhir kelām‑i İncīlden meʿād‑i // rūḥānī münfehim olur. Ammā nebī‑i āḫiri z‑zamān ṣalavātu // llāhi ʿaleyhi ve‑selāmuhū maẓhar‑i mertebe‑i cāmiʿīyet olduġı‑çün // cismānīden ve rūḥānīden ḫaber vėrdi. Ve bu laṭīfeʾi // ḥikāyet ėderler: Sene erbaʿīn ve sebʿ‑miʾede ittifāq bir ḥekīm‑i // mesīḥī ile gendüler cemʿ olub ḥekīm‑i mezbūr Muḥammed ʿaleyhi s‑selāmuñ // ḫātimīyetine şeyḫden delīl ṭaleb ėtmiş. Şeyḫ daḫı delāʾil‑i // naqlīyeyi īrād ėtmişler ḥekīm mülzem olmayub delīl‑i ʿaqlī ṭaleb // ėtmiş. Şeyḫ müstaḥżar bulınmayub ḥekīm cānib‑i şeyḫden sevq‑i delīl // ėdüb dėmiş ki nübüvvet ḥikmetdür ḥikmet yā ʿilmīyedür yā ʿamelīyedür